السبت، 30 مايو 2009

يوم الوداع

..الرسالة دى كتبتها من حاولى أكثر من عام وبالتحديد يوم 28/11/2007 ومن ساعة ما كتبتها مش قادر أبص فيها تانى لان بجد الموقف عليا كان صعب كتير بس أنا النهاردة قولت لازم أنزلها كنوع من أنواع الفضفضة فضفضة فقدانى لأعز أعز من عملت معهم فى يوم من الأيام .

بهجة ملئت وجهه

وإبتسامة علت شفاتيه

وكأنه يستقبل زائراّ

أسعدته رؤيته بعد إشتياقا

وكأن الحور عين أمامه

يتراقصون ويتمايلون كالبراقا

كان ثبوراّ مجداّ

فالعمل عنده كان عبادة

تعب ولم يرد سؤلاّ

فالعمل عنده كان حياتا

كان عمله مرضاّ مزمناّ

لم يرد يوماّ له علاجا

كان طيب القلب متواضعا

مليئا بالحب والحنان

يفقده العمل شعوره أحياناّ

فيتراجع ويقدم إعتذاراّ

ترى فى عينه كفاح سنين

لو غيره لإنهار من زمانا

إستاذاّ فى مجاله

لا يشق له غباراّ

فقدنا حبيباّ لقلوبنا

ولا يعز على الله حبيبا

وددت أن ابكيه طوال عمرى

ولكنى تذكرت قول الله عز وجل

"وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا "إِلَيْهِ رَاجِعونَ"

(صدق الله العظيم)

فعسى أن نحتسب عند الله من الصابرين

إلى روح الفقيد الأستاذ المعلم

المرحوم الأستاذ المحاسب / كامل مصطفى كامل

أرجو من كل من يقراءها الدعاء وقراءة الفاتحة له فيوما ما سوف نكون فى القبور ونحتاج لمن يقراء لنا الفاتحة

الأحد، 17 مايو 2009

البصيرة

الحقدر والغدر والنكران شيمتك

فلا تثأمى منى فلست بنبى

أوهمتينى أن غدرك وحقدك ونكرانك

هما الحب والصدق والأيمان

فعايشتك بعين العميان

وحسبتك إنك لست من هذا الزمان

بل إنى حسبتك ملاكاّ فى صورة الأنسان

كنت أصبر على غدرك مراراّ

ولم أجد منك إلا نكرانا

كنت أسير فى درب هواك على إنك الأحلام

أحققها مع كل خطى أخطيها

أسير كالعميان متخبطاّ أكترث الفرصة لأتعكز عليكى

حتى وجدت نفسى أهوى فى هاوية النكران

بدون منقذ

والضحكة تملاء الوجدان

ياليتنى أستمعت لصوت عقلى

كنت رحمت نفسى من ضحكة الوجدان

ولكن اّه و اّه من حب لاهية

فيها الخيانة راسية وفيها الدماء أسية

اّه و اّه

السبت، 2 مايو 2009

فى حبك يا مصر أنا عايش



بحبك يا مصر وفيكى أنا دايب

ونفسى يامصر أشيل عنك الثوب الدايب

إلى مغطيكى ومخلى شكلك سايب

ومخليكى فى وسط العرب أزمة

وبين البلاد من غير لازمة

بعد ما كنتى ستهم

ورجلكى على سدرهم

بقيتى النهاردة لبسهم وياريتو كان عاجب

أملى يامصر أن النهار يجى

فمهما طال اليل مسير النهار يجى

وعجبى آآآآآآآآآ

السبت، 18 أبريل 2009

عندما يحشش المصريون

الرسالة دى منقولة جت ليا على الايميل وعجبتنى فقولت لازم كل حبايبى إلى بيمروا عندى يقرؤها
مع تحياتى
فيه جماعة حشششششششاشين قاعدين عند واحد من شلتهم بس خواف

المهم وهم قاعدين يحشششششووووا

وفجأه ينط الخوّاف ويقووول " كبسه كبسه .. يا عالم فيه صوت بووليس إنتو سمعين" ؟؟؟؟؟؟؟

قالوا " سمعين .. تمانين ... تسعين "

المهم حاصرتهم الشرطه

قال "ياعالم اعملوا حاجه دول زنئووونا"

قالوا " زنئوووونا .. زنا تانيا .. زنا تالتا ..."

المهم نطت عليهم الشرطه وخذوهم للحجز

قال لأصحايه " بصّو يا ولاد الكلب أوعى حد فيكم يجيب سيرتي "

قالوا " سيرتي ..فورتي.. فيفتي.."

السبت، 11 أبريل 2009

قاعد لوحدى قاعد أفكر

كل يوم بقعد لوحدى أتأمل أفكر
أحنا ليه عايشين عشان أحنا بس عايشين
ليه الحياة بتاخدنا
ليه الملل بيملكنا
ليه بنفكر وما بنعملش حاجة واحدة من إلى بنفكر فيها
ليه الواحد فينا أما يغضب بيكره كل حاجة حوليه
واما يفرح يحب كل حاجة تانى حوليه
ليه بننسى الفضل ونفتكر القسوة
ليه بننسى النعمة ونفتكر الحرمان
ليه بنحب وندارى
ليه بنكره ونضحك فى وش إلى بنكرهم
ليه مشاعرنا مش واضحة وصريحة
ليه أحاسسنا دايما بنكذبها لما قصة حب تفشل
الصدق صح واله غلط
الحب حلال واله حرام
انا عن نفسى كل يوم بالاقى حل لمشكلة من دول وليكم إنك تشاركونى فى أرائكم
مع تحياتى

الأربعاء، 3 ديسمبر 2008

تحياتى لكل صديق جديد ينضم للبلوج
فى حد فينا مرة فكر يروح لدكتور نفسانى يقعد معاه ويفتح ليه قلبه وعقله صدقونى أى حد فى الدنيا دى لو فكر يروح للدكتور النفسانى مرة واحدة هيطلع من عنده بحاجتين مهمين جداااااا الأولى وهو أنه هيلاقى نفسه مريض بعدة أمراض نفسية والثانية إنه هيلاقى نفسه مرتاح أوى بعد ما فضفض وطلع إلى جواه .

عشان كده أنا فكرت أنى أروح للدكتور النفسانى عشان أفضفض وأطلع كل إلى جواية بس الأختلاف الوحيد هنا بينى وبين المرضى النفسيين الحقيقيين إن الدكتور بتاعى هيكون دكتورة قلبها كبير وممكن تسمعى من هنا للسنة الجاية وكمان عالطول فاضية وعمرى ما هقف استنى دورى لان الدكتورة بتاعتى هى المدونة بتاعتى هى دى إلى هقدر افضفض فيها واسمع فيها فضفضة الناس وعشان كده أنا بتمنى من كل واحد يدخل المدونة عندى أنه يشارك فيها ويفضفض ويقول كل إلى عايز يقوله بجرأة ممكن فى يوم أفتح عيادة طب نفسانى وأكون فعلا فى اللحظة دية أنا إللى أستأهل إللى عملته فى نفسى .

ومع عظيم تحياتى